【新手媽媽網購買乜好?】 | 搵錢辛苦,使錢都要受氣?

撰文:詩寧 C0.Iamzero

越來越鐘意網購,除咗方便,更重要係唔使見到售貨員(vice versa)。呢個世界西客雖多,但西售貨員亦不少,做咗媽媽之後,出街嘅造型主要得三種:

- 推住BB車 = 阻住條路

- 前面揹住BB + 後面一個背囊 = 阻住條路

- 前面揹住BB + 師奶買餸戰車 = 阻住條路

 

一行出街,畀人Jip或者畀人啤係必然的。

 

話說有日,我喺非繁忙時段去一個非旺區嘅商場,諗住買兩件衫換季,間舖只有我一個客,一行入去,個西售貨員見我抱住BB,啤一啤我,然後行去另一邊扮執衫,是但啦,我有我睇衫,好快就睇中。

我:「唔該,要呢件。」

西員:「。」佢乜都無講,喺我隻手搶咗件衫,然後行去收銀位Do電腦:「$XXX」將我全身打量,再擺出一個「快L啲畀完錢走啦。」嘅表情。

 

我:「你咁嘅樣,係咪唔捨得件衫?我唔要喇。」

 

西員:「。」佢愕一愕然,無出聲,好嬲咁將件衫大力拍落枱面褶。

 

抱住BB,本身都唔行得耐,所以由入去到俾錢,五分鐘內完成,唔知點解咁都得罪咗個西售貨員。

 

你可能都試過入舖消費受到白鴿眼或不禮貌對待,細個我覺得係一種壓力,好似入得去就一定要買嘢,大咗就認為無論有幾鐘意件貨,買得唔開心就轉身Bye Bye你條尾。特別係買BB 產品,又要睇件貨嘅設計安唔安全、物料有無毒、會唔會甩色、會唔會好快唔啱用變垃圾……如果入舖向西售貨員問咁多問題,分分鐘一肚氣。而網購就可以依自己時間搵資料,今日睇呢款、聽日睇另一款,睇幾耐都唔怕畀人啤、黑面、趕走。

 

我最近就喺 Suchprice 優價網 買咗啲BB物品,大把牌子任我揀,送貨員又勁好禮貌,仲讚 #將軍 得意添~絕對係良好購物經驗。千挑萬選之後,我買咗:

 

- b&h Swiss 防漏學習杯
呢個杯有三個階段可供選擇,將軍7個月,用第2階段就啱晒,矽膠鴨嘴外型設計防漏,唔怕飲到成件衫仔濕晒。杯嘅兩邊扶手有防滑粒粒,BB好易捉得住,有成功感,飲都飲得多啲。

- b&h Swiss 不銹鋼雙耳保溫碗
呢件產品係超細心設計,小朋友食嘢慢,好多時碗粥凍晒都未食完,而呢個碗有保溫效果,而且採雙層結構,保溫同時有隔熱性能,唔怕「辣」親BB。

- The First Years 牙刷及口腔護理套裝

唔知媽媽們有無用過呢個牌子,對我嚟講係平靚正之選,經常一個價錢有齊唔同階段產品,例如牙刷,一盒就有晒牙膠、手指套、牙刷同牙刷架,試完大概知咩類型刷頭最適合自己BB。

- The First Years 學習廁板
呢個其實係父母買畀自己嘅恩物,BB未識呢塊係乜嘢,又唔食得又唔玩得,坐喺度腳仔踢踢,唔小心就屙咗。但對父母嚟講就減少工作量同尿片使用量,慳錢又慳力。產品前面有小便罩,我特別推介畀生男仔嘅父母。

 

如果你都想有愉快嘅購物體驗,立即上 Suchprice 優價網 訂購任何 #b&h Swiss及 #The First Years 產品,輸入我個Discount Code有九五折㗎:C05%OFFOCT (有效期由即日起至10月31日)    

 


立即選購>

b&h Swiss:http://bit.ly/2P3Qjij

The First Years:http://bit.ly/2P49AjG

 

留言

$1
$2
$3
$4
{"en":"New","zh":"新到"} {"en":"Best Selling","zh":"熱賣"} {"en":"Trending","zh":"潮流"} {"en":"Deal","zh":"特價"}